special article on digital data insurance sector by amar thakre – article in Marathi, Maharashtra Times–10.09.2017

डेटा इन्श्युरन्समध्ये भविष्यात संधी

अमर ठाकरे

‘क्या आपने कभी डिजिटल डेटा इन्श्युरन्स किया है?’ अचंबित वाटले ना, मात्र काही दिवसांनंतर हा प्रश्न आपल्या सर्वांना सतावणार आहे. डेटाच्या जागतिक चोरीमुळे या क्षेत्राला चांगलीच बाजारपेठ लाभली आहे. जगभरात मोठमोठ्या कंपन्या आपल्या महत्त्वपूर्ण डेटाचे इन्श्युरन्स करून ठेवत आहेत. यामध्ये करिअर संधीही भरपूर आहेत. जगात त्यासाठी मोठी बाजारपेठ येत्या काही वर्षांत उभी राहणार यात शंका नाही.

००

आपण आपला डेटा वाचवू शकतो का? तर हो! मात्र त्यासाठी आपल्या माहितीच्या साठ्याला योग्य सुरक्षा दिली गेली पाहिजे. त्यासाठी आता बाजारात काही कंपन्या आल्या आहेत. ज्याप्रमाणे मोबाइलसाठी विमा उपलब्ध आहे. त्याचप्रमाणे आता डेटासाठीही विमा उपलब्ध होऊ लागला आहे. सद्यस्थितीत भारतात त्यासाठी काही वेळ लागेल; मात्र इतर देशांमध्ये ही सेवा देणारे चांगलेच पैसे कमावत आहेत. आपण कधीही मोबाइल हँग झाल्यावर त्यातील डेटा खाली करतो अथवा त्यातील अनवाँटेड गोष्टी काढून टाकतो. मात्र त्यातील काही गोष्टी आपल्याला पुन्हा लागल्या तर त्यासाठी उपाय काय? याचाही विचार होणे तेवढेच महत्त्वाचे आहे. यासाठी मेलवर, व्हर्च्युअल ड्राइव्हवर आपण डेटा साठवत असतो. परंतु, तो किती संरक्षित आहे याबाबत कधी विचार करीत नाही. यासाठी डेटाचे इन्श्युरन्स करणे आजच्याघडीला आवश्यकच आहे.

विशेषतः सायबर आणि गोपनीयता धोरणांमध्ये सरकारडूनही योग्य बदल होणे तेवढेच आवश्यक आहे. ज्यात कंपनीच्या धोरणानुसार त्यांच्या फर्मच्या ग्राहकांची वैयक्तिक माहिती साठवली जाते. जसे की डेबिट किंवा क्रेडिट कार्ड क्रमांक हॅकर किंवा अन्य गुन्हेगार चोरण्याचा प्रयत्न करतात. मात्र त्यापासून आपल्या डेटाचे संरक्षण केले जाऊ शकते. जर सरकारने याबाबत येत्या दिवसांत धोरण निश्चित केले तर त्याचा फायदा होऊ शकतो.

जेव्हा एखादा महत्त्वाचा डेटा चोरी झाल्यास त्यासाठी नागरी खटले आणि अन्य दंड करण्यासाठी सायबर क्राइमचे कायदे आहेत. तसेच डेटा ब्रिच इन्शुरन्स पॉलिसी असलेले कायदे आहेत. मात्र ते इतर देशातच अस्तित्वात असून, अद्याप भारतात त्यासाठी काम केले गेले पाहिजे. जेणेकरून यात रोजगाराच्या संधीही त्याप्रमाणात उपलब्ध होऊ शकतील. आतापर्यंत बऱ्याचवेळा झालेल्या डेटा चोरीमध्ये क्रेडिट कार्ड, डेबिट कार्ड डेटा तसेच सुरक्षा यंत्रणा, हेल्थकेअर संबंधित माहिती चोरीला गेल्याच्या घटनाच जास्त आहेत. त्यासाठी योग्य सुरक्षेची तरतूद कायद्याप्रमाणे डिजिटल डेटा इन्श्युरन्स पॉलिसीतही असतेच. त्यामुळे आता हे क्षेत्र एक करिअर संधी म्हणूनही पाहिले जात आहे.

आपला डेटा चोरीला जाणारच हे जरी खरे असले तरी त्याचा कितपत बचाव करता येईल, यावर काम केल्यास डेटा चोरी थांबवता येऊ शकते. जसे कंपन्यांनी आपले गोपनीयता धोरण ठरवावे, कर्मचारी माहिती धोरण यात काही बदल करणे आवश्यक आहे. सध्याला हार्टफोर्ड ही विदेशी कंपनी या क्षेत्रात काम करीत असून, ती ही सेवा विविध क्षेत्रातील कंपन्यांना पुरवत आहे. अशाच काही कंपन्या जर भारतात सुरू झाल्या तर नवीन इंजिनीअर्सना रोजगार संधी उपलब्ध होतील. यात आरएफयू म्हणजेच रिस्क फ्रॉड युनिट म्हणता येईल, याची निर्मिती केल्याने डेटा चोरी रोखली जाऊ शकते.

(लेखक आयटी उद्योजक आणि सायबर तज्ज्ञ आहेत.)

via special article on digital data insurance sector by amar thakre – article in Marathi, Maharashtra Times

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s